బీపీ ఎక్కువగా ఉండ‌డం వల్ల మ‌న శరీరానికి ఎంత‌టి న‌ష్టం క‌లుగుతుందో అంద‌రికీ తెలిసిందే. హార్ట్ ఎటాక్‌ల‌కు అది దారి తీస్తుంది. గుండె జ‌బ్బుల‌ను క‌లిగిస్తుంది. చివ‌రిగా ప్రాణాల‌కే ముప్పు తెచ్చి పెడుతుంది. కనుక ఎవ‌రికైనా బీపీ కంట్రోల్‌లో ఉండాల్సిందే. ఈ క్ర‌మంలో బీపీ త‌గ్గాలంటే ఏం చేయాలి…? ఎలాంటి ఆహారలు తీసుకోవాలో ఇప్పుడు తెలుసుకుందాం..
ప్రస్తుత కాలంలో అధిక రక్తపోటుతో బాధపడే వారి సంఖ్య నానాటికీ పెరుగుతోంది. ఎవరిని పలకరించినా హై బి.పి ఉందని అంటున్నారు. అధిక రక్తపోటు అనేది తీవ్రంగా పరిగణించాల్సిన వ్యాధి. అధిక రక్తపోటులో రక్తనాళాలలో రక్తం నిరంతరం అధికమవుతుంది. అధిక రక్తపోటుకు కారణాలు అనేకం ఉంటాయి. ఒత్తిడి, ఉప్పు అధికంగా తినటం, డయాబెటీస్ వంటివి అధిక ర్తపోటుకు కారణాలుగా చెప్పవచ్చు. అధిక రక్తపోటు ఉంటే, గుండె జబ్బులు వచ్చే అవకాశం అధికంగా ఉంటుంది. అపుడు మీరు ఆహారం, మెడిసిన్ ల ద్వారా దానిని నియంత్రించాలి. డాక్టర్లు ఆరోగ్యకర ఆహారాన్ని సూచిస్తూ, కొన్ని మందులు వ్రాసి ఇస్తారు. అవి పాటిస్తే మీ రక్తపోటు స్ధాయి తగ్గుముఖం పడుతుంది. ఆరెంజ్, కివి, బెర్రీ, జామ, ద్రాక్ష మరియు స్ట్రా బెర్రీలలో విటమిన్ సి ఉంటుంది. చాలా స్టడీలలో విటమిన్ సి క్రమం తప్పకుండా తీసుకుంటే, అధిక రక్తపోటు తగ్గుతుందని నిరూపించబడింది. బ్లడ్ ప్రెజర్ సహజ నియంత్రణలో ఉండాలంటే, ప్రతిరోజూ విటమిన్ సి తీసుకోవాలి.
బీపిని కంట్రోల్ చేసుకోవడానికి కొన్ని ఆహారాలు అద్భుతంగా సహాయపడుతాయి. పచ్చని ఆకు కూరలలో పోషకాలు అధికం. వాటిలో ఐరన్ ఉంటుంది. ఇవి అధిక రక్తపోటు తగ్గిస్తాయి. వెల్లుల్లి గుండె ఆరోగ్యానికి మంచిది. అధిక రక్తపోటు నియంత్రణకు ప్రతిరోజూ రెండు రెబ్బలు వెల్లుల్లి తినవచ్చు. టమాటా పండులో ఎన్నో పోషకాలు, ప్రొటీన్లు ఉంటాయి. రక్తపోటు నియంత్రణకు ఈ పండు బాగా పని చేస్తుంది. వీటిలో వుండే లైకోపెన్ అనే యాంటీ ఆక్సిడెంట్ సహజంగా రక్తపోటు నియంత్రిస్తుంది. దీనిలో విటమిన్ సి,ఎ,ఇ, పొటాషియం, కాల్షియం వంటివి కూడా రక్తపోటు నియంత్రిస్తాయి. పుచ్చకాయలో నియాసిన్‌, పాంటోథోనిక్‌ ఆమ్లం, విటమిన్ సి, మాంగనీస్‌లు అధికంగా ఉంటాయి. ఇది బీ.పి.ని తగ్గిస్తుంది. హై బిపి నివారణలో ఖర్బూజా చాలా ముఖ్యమైన ఆహారం. ఖర్బూజా తినడం వల్ల రక్త నాళాల్లో ఉన్న ప్రెజర్ తగ్గి బీ.పి. కంట్రోల్ లో ఉంటుంది. పోషకాలు ఏ సమయంలోనైన లోపం జరిగితే తక్కువ రక్తపోటు కారణమయ్యే సమస్యలకు కారణమవుతుంది. కాబట్టి, పూర్తి పోషకాలున్న మొలకలను రెగ్యులర్ డైట్ లో చేర్చుకోవడం చాలా అవసరం. బ్రౌన్ రైస్ లో ఉండే కాల్షియం, శరీరానికి ఎంతో మేలు చేస్తుంది. అందునా హై బీ.పి ఉన్నవారికి ఇది పూర్తిగా సోడియం రహిత ఆహారం, కాబట్టి నిర్భయంగా తినవచ్చు. ఇది నరాలను రిలాక్స్ చేసి రక్తప్రసరణను క్రమబద్ధం చేస్తుంది. కొత్తిమీర లో ఉన్న ఔషధ గుణాలు బి.పి. ని అదుపులో ఉంచుతాయి. బంగాళా దుంపలు బి.పి. ని కంట్రోల్ లో ఉంచడంలో అద్భుతంగా పని చేస్తాయి
అరటి పండ్లు శరీర శక్తిని పెంచటమే కాదు బ్లడ్ ప్రెజర్ ను కూడా అదుపులో ఉంచుతాయి. అరటి పండులో పొటాషియం ఉంటుంది. ఇది రక్తపోటును నియంత్రిస్తుంది. కనుక ప్రతిరోజూ 1 లేదా 2 అరటిపండ్లు తినాలి. అంతకంటే అధికంగా తింటే వాటిలోని షుగర్ మీ శరీరంలోని షుగర్ స్ధాయి పెంచుతుంది. కనుక మితంగా తినండి. పొటాషియం ఎంత ఎక్కువగా తీసుకుంటే రక్తపోటు అంత ఎక్కువగా తగ్గుతుంది. కాబట్టి పొటాషియం దండిగా లభించే పండ్లు, కూరగాయలను అధికంగా తీసుకోవాలి. రోజుకి కనీసం 2-3 కప్పుల ఉడికించిన లేదా పచ్చి కూరగాయలు. 4-5 కప్పుల పండ్లు తినాలి. మెగ్నీషియం తగినంత తీసుకుంటే రక్తపోటు అదుపులో ఉండటానికి తోడ్పడుతుంది. పొట్టు తియ్యని ధాన్యాలు, గింజలు, గింజపప్పులు, సోయాతో చేసిన టోఫు, వెన్న తీసిన పాలు, తాజా కూరగాయలు, పప్పుల ద్వారానూ మెగ్నీషియం లభిస్తుంది. బాదం, జీడిపప్పు, పిస్తా వంటి ఎండు పప్పులను కూడా చిరుతిండిగా తీసుకోవచ్చు. మాంసాహారులైతే పల్చటి కండ మాంసాన్నే ఎంచుకోవాలి. రోజుకి 85 గ్రాముల కన్నా ఎక్కువ మాంసం తీసుకోకూడదు. వారంలో ఒకరోజు పూర్తిగా శాకాహారమే తీసుకుంటే మరింత ప్రయోజనం కనబడుతుంది. కొవ్వు వినియోగాన్ని రోజుకి ఒకటి లేదా రెండు చెమ్చాలకే పరిమితం చేయాలి. అంటే వేపుళ్లు, కొవ్వు పదార్థాలకు దూరంగా ఉండాలని అర్థం.
