RRC South Central Railway Jobs 2025: ఆంధ్రప్రదేశ్‌, తెలంగాణ సహా పలు రైల్వే రీజియన్లలో.. స్పోర్ట్స్‌ కోటా కింద 2025-26 సంవత్సరానికి సంబంధించి ఉద్యోగాల భర్తీకి రైల్వే రిక్రూట్మెంట్ సెల్ (RRC) నోటిఫికేషన్‌ 2025-26 విడుదల చేసింది. సంబంధిత క్రీడల్లో ప్రతిభావంతమైన క్రీడాకారులకు ఈ ప్రకటన కింద ఉద్యోగాలు.. సంబంధిత క్రీడాంశాల్లో ప్రతిభావంతమైన క్రీడాకారులు నవంబర్ 24 వరకు ఆన్‌లైన్‌ దరఖాస్తులు సమర్పించాలి.
పోస్టుల వివరాలు ఖాళీల సంఖ్య:
- లెవెల్‌ 3/2 (ఎస్‌సీఆర్‌, హెడ్‌ క్వార్టర్స్‌, సికింద్రాబాద్ కోటా): 21 పోస్టులు
- లెవెల్‌ 1 (హెడ్‌ క్వార్టర్స్‌ కోటా): 10
- సికింద్రాబాద్ డివిజన్‌: 05
- హైదరాబాద్‌ డివిజన్‌: 05
- విజయవాడ డివిజన్‌: 05
- గుంటూరు డివిజన్‌: 05
- గుంతకల్‌ డివిజన్‌: 05
- నాందేడ్‌ డివిజన్‌: 05
మొత్తం ఖాళీల సంఖ్య: 61
ఎంపిక విధానం: స్పోర్ట్స్‌ ట్రయల్స్‌, ధ్రువపత్రాల పరిశీలన ఆధారంగా. (సికింద్రాబాద్ (తెలంగాణ) లేదా ఎస్‌సీఆర్‌ నిర్ణయించే ఇతర కేంద్రాల్లో నిర్వస్తారు).
దరఖాస్తు విధానం: ఆన్‌లైన్‌ ద్వారా.
పరీక్ష రుసుము: రూ.500; ఎస్సీ/ఎస్టీ/దివ్యాంగులు/మైనారిటీ/ఓబీసీలకు రూ.250.
దరఖాస్తు చివరి తేదీ: 24.11.2025.
స్పోర్ట్స్‌ కోటా కింద భర్తీ చేసే ఈ పోస్టులకు దరఖాస్తు చేసే అభ్యర్ధులకు తప్పనిసరిగా అథ్లెటిక్స్, షెటిల్‌ బ్యాడ్మింటన్, బాక్సింగ్, క్రికెట్‌, సైక్లింగ్, జిమ్నాస్టిక్స్, ఖోఖో, పవర్‌ లిఫ్టింగ్‌, వాలీబాల్, వెయిట్‌ లిఫ్టింగ్‌, హాకీ తదితర క్రీడల్లో ఏదైనా ఒకదానిలో ప్రావీణ్యం ఉండాలి. దేశం, రాష్ట్రం, యూనివర్సిటీ, పాఠశాల స్థాయిలో ఏదైనా గుర్తింపు పొందిన క్రీడా పోటీలలో పాల్గొని ఉండాలి. అలాగే పోస్టులను అనుసరించి పదో తరగతి, ఐటీఐ, ఇంటర్మీడియట్‌ లేదా తత్సమాన విద్యార్హత కలిగి ఉండాలి. అభ్యర్ధుల వయస్సు 18 నుంచి 25 ఏళ్ల మధ్య ఉండాలి.
పరీక్ష ఫీజు కింద జనరల్‌ అభ్యర్ధులు రూ.500, ఎస్సీ, ఎస్టీ, దివ్యాంగులు, మైనారిటీ, ఓబీసీ అభ్యర్ధులు రూ.250 చొప్పున ఫీజు చెల్లించవల్సి ఉంటుంది. ఈ అర్హతలు ఉన్న వారు ఎవరైనా ఆన్‌లైన్‌ విధానంలో నవంబర్ 24, 2025వ తేదీలోపు దరఖాస్తు చేసుకోవచ్చు. స్పోర్ట్స్‌ ట్రయల్స్‌, ధ్రువపత్రాల పరిశీలన ఆధారంగా తుది ఎంపిక ఉంటుంది. ఇతర వివరాలు ఈ కింద చెక్‌ చేసుకోవచ్చు.
Official Website – https://scr.indianrailways.gov.in
