సుప్రీమ్ హీరో సాయి ధరమ్ తేజ్ డ్రింక్ చేసి డ్రైవింగ్ చేయొద్దు అనే కాన్సెప్ట్ లో, ఎమోషనల్, ప్రేమ, దేశభక్తి అంశాలు ఉన్న” సత్య” అనే షార్ట్ ఫిలింలలో నటించిన విషయం మననందరికి తెలిసిందే. సైనికులకు నివాళులర్పిస్తూ ఇందులో సోల్ ఆఫ్ సత్య అనే పాటను రూపొందించారు.
మెగా హీరో సాయి ధరమ్ తేజ్ (Sai Dharam tej), కలర్స్‌ స్వాతి (Swathi Reddy) ప్రధానపాత్రల్లో నటించిన షార్ట్ ఫిలిం ‘సత్య’ (Satya).మంచి సందేశాత్మకంగా రూపోందించిన ఈ షార్ట్ ఫిల్మ్ ఇప్పటికే పలు అవార్డులను తనఖాతాలో వెసుకుంది. అయితే ప్రస్తుతం దీనికి మరో అరుదైన గౌరవం దక్కింది. ఈ విషయాన్ని తెలుపుతూ సాయి ధరమ్ తేజ్ సోషల్ మీడియాలో పోస్ట్ పెట్టారు. ఈ ఏడాది ఆగష్టు 15న రామ్ చరణ్ రిలీజ్ చేయగా మంచి వ్యూస్‌తో ప్రశంసలు పొందిన విషయం తెలిసిందే.
‘నాకెంతో ఇష్టమైన ‘సత్య’ షార్ట్ ఫిల్మ్ ను డిసెంబర్‌ 9న హాలీవుడ్‌ బీఎల్‌వీడీ ఫిల్మ్ ఫెస్టివల్‌లో ప్రదర్శించనున్నారు. ఈ వేడుకను మా షార్ట్ ఫిల్మ్ స్క్రీనింగ్‌తోనే మొదలు పెట్టడం ఎంతో గౌరవంగా ఉంది. ఇది మా టీమ్ అందరికీ గర్వకారణం. కాలిఫోర్నియాకు దగ్గరలో ఉండే వాళ్లు ఆ వేడుకకు హాజరై ‘సత్య’ను చూసి మమ్మల్ని ఆశీర్వదించాలని కోరుకుంటున్నా’ అని సాయి ధరమ్ తేజ్ పోస్ట్ చేశారు. దీంతో అభిమానులు సత్య టీమ్‌కు అభినందనలు తెలుపుతున్నారు. అంతేకాదు ఇటీవలే ఈ షార్ట్ ఫిల్మ్‌ను న్యూయార్క్‌లోని అంతర్జాతీయ ఒనిరోస్‌ ఫిల్మ్ అవార్డ్స్‌ వేదికపై ప్రదర్శించగా.. ఇది రెండు అవార్డులను పొందింది. సైనికులకు నివాళులర్పిస్తూ ఇందులో ‘సోల్ ఆఫ్ సత్య’అనే పాటను రూపొందించారు. దాన్ని ఆగస్టు 15న విడుదల చేయగా మంచి వ్యూస్‌తో ప్రశంసలు పొందింది.
