వినిపించకపోవడానికి ఎన్నో కారణాలు. ఒకప్పుడు వృద్ధాప్యానికే పరిమితమైందనుకున్న ఈ సమస్య… ఇప్పుడు పుట్టుకతోనే ముందు తరాలకు శాపంగా మారుతోంది. దానికి తోడు విస్తరిస్తున్న సాంకేతిక పరిజ్ఞానం… వినికిడిలో కొత్త సమస్యలను సృష్టిస్తోంది.
వినికిడి లోపం… వయసుతో సంబంధం లేకుండా ఎన్నో ఇబ్బందులు సృష్టిస్తున్న సమస్య. చాలా మంది ఇదేదో వృద్ధుల సమస్యగానే పరిగణిస్తారు. కానీ పసిబిడ్డలు మొదలుకుని, వృద్ధుల వరకూ ఈ సమస్య తీవ్రమౌతోంది. ఒక చెవిలో వినికిడి నష్టం అకస్మాత్తుగా లేదా కాలక్రమేణా రావచ్చు. ఒకే చెవిలో కలిగి ఉంటే దానిని ఏకపక్షంగా వినికిడి లోపం అని పిలుస్తారు.
ఒక చెవిలో వినికిడి లోపానికి వివిధ కారణాలు ఉండవచ్చు. చెవి మైనపు నుండి చెవిపోటు వరకు లేదా మరింత తీవ్రమైన సందర్భాల్లో మెనియర్ వ్యాధి. చెవి తనను తాను శుభ్రపరచడానికి మరియు రక్షించడానికి మైనపును ఉత్పత్తి చేస్తుంది. మనం మాట్లాడుతున్నప్పుడు లేదా నములుతున్నప్పుడు దవడలు కదులుతాయి కదా, ఈ దవడల కదలికల వలన చెవి లోపల ఉన్న గులిమి మెల్లిమెల్లిగా కదులుతూ చెవి రంధ్రం ద్వారం వైపు వస్తుంటుంది. సాధారణంగా ఇది ఎండిపోయి బయటకు వస్తుంది.సాధారణ పరిస్థితిల్లో కొంచం కొంచంగా బయటకు వచ్చే గులిమి పెద్ద సమస్య కాదు. కానీ ఈ గులిమి బాగా ఎక్కువైతే, చెవులకు అవరోధంగా మారుతుంది. చెవి నొప్పి, వినికిడి తగ్గిపోవడం లాంటి సమస్యలు ఎదురవుతాయి.
గులిమి తీసేందుకు మైక్రోసక్షన్ పద్ధతిని ఉపయోగిస్తారు.మైక్రోస్కోప్‌తో చెవి లోపలికి చూస్తూ మెల్లిగా గులిమిని బయటకు తీస్తారు.గులిమి సమస్యలు అధికంగా ఉన్నవారికి ఈ పద్ధతి సురక్షితమైనది.
కర్ణభేరిలో రంధ్రం వల్ల కర్ణభేరికి అనుసంధానంగా మధ్య చెవిలో ఉండే మూడు గొలుసు ఎముకల్లో ఒకటి గట్టిపడిపోవటం, మధ్య చెవి నుంచి ముక్కుకు ఉండే యూస్టేషన్‌ ట్యూబు మూసుకుపోయి చెవిలో ద్రవాలు, జిగురు వంటి పదార్థాలు పేరుకుపోవటం, మధ్యచెవిలో కణుతులు రావటంవల్ల చెవి నొప్పి, వినికిడి సమస్యలు తలెత్తుతాయి. హార్వర్డ్ హెల్త్ పబ్లిషింగ్ ప్రకారం, బాక్టీరియల్ లేదా వైరల్ ఇన్ఫెక్షన్ కారణంగా చెవిలో ఇన్ఫెక్షన్ వినికిడి లోపానికి కారణం కావచ్చు.
మీరు తీవ్రమైన నొప్పితో బాధపడుతుంటే, ఇన్ఫెక్షన్‌ను క్లియర్ చేయడానికి యాంటీబయాటిక్స్ సూచించమని డాక్టర్ అడగవచ్చు. ఇన్ఫెక్షన్, పేలుడు వంటి భారీ శబ్దాలు, ఫ్లైట్ టేకాఫ్‌లు మరియు ల్యాండింగ్‌లు లేదా మీ చెవిని శుభ్రం చేయడానికి మీరు ఉపయోగించే కాటన్ బడ్స్ వంటి వస్తువుల వల్ల కూడా చెవిపోటు రావచ్చు . ఇన్‌ఫెక్షన్లకు సత్వరమే చికిత్స చేయడం మంచిది. మీ చెవులను పెద్ద శబ్దాల నుండి రక్షించడానికి జాగ్రత్తలు తీసుకోవడం మరియు చెవి ఎలాంటి వస్తువులను ఉంచకుండా ఉండటం ఉత్తమం.
మెనియర్ వ్యాధి అనేది ఒక చెవి రుగ్మత, ఇది సాధారణంగా ఒక చెవిలో వినికిడి లోపానికి దారితీస్తుంది. సాధారణంగా మైకము, చెవులలో రింగింగ్ వంటి లక్షణాలు ఉంటాయి. వ్యాధి యొక్క దీర్ఘకాలిక లక్షణాలను తగ్గించడానికి మీరు వెంటనే మీ వైద్యుడిని సంప్రదించాలి.
ఆటోస్లెకరోసిస్ అనే సమస్య సైతం యుక్తవయసులో వినికిడి లోపానికి కారణం. చెవిలో ఉండే ఎముకల్లో వచ్చే ఈ సమస్య… తగ్గించడం పెద్ద ఇబ్బందేమీ కాదు. దీనికి ఆపరేషన్లు కూడా అందుబాటులో ఉన్నాయి. మరి కొందరికి చెవిలో చేరిన ఇన్ఫెక్షన్ కారణంగా కర్ణభేరి ఉబ్బిపోయి, ఉన్నట్టుండి అర్థరాత్రి కర్ణభేరి పగిలి, చీము కారడం మొదలౌతుంది. దీని వల్ల కూడా వినికిడి లోపం వస్తుంది. ఇలాంటి సమస్యలకు వీలైనంత త్వగా చికిత్స అందించాలి. లేదంటే తలస్నానం చేసిన ప్రతిసారి చెవిలో ఇబ్బంది పెరిగి దీర్ఘకాలిక సమస్యగా మారుతుంది.
వృద్ధాప్యంలో లోపలి చెవిలో నాడీకణాల క్షీణత వినికిడి సమస్యలు తెచ్చిపెడుతుంది. శ్రవణ యంత్రాల ద్వార ఈ ఇబ్బందులు అధిగమించవచ్చు. చాలా అరుదైన సందర్భాలలో, చెవిలో అసాధారణమైన ఎముక పెరుగుదల వినికిడి లోపానికి కారణమవుతుంది. ఓటోస్క్లెరోసిస్ అని పిలువబడే ఈ పరిస్థితి కాలక్రమేణా తీవ్రమవుతుంది మరియు ఒకటి లేదా రెండు చెవులను ప్రభావితం చేయవచ్చు. అదనపు ఎముక పెరుగుదలను తొలగించడానికి డాక్టర్ శస్త్రచికిత్స చేయాలని సిఫార్సు చేయవచ్చు.
మనకు తెలియకుండా, మన చుట్టూ వినికిడి సమస్య ప్రమాదం ఏ స్థాయిలో పొంచి ఉంది. నివారణా మార్గాలను దృష్టిలో పెట్టుకుంటే భవిష్యత్ లో వినికిడి లోపాలు తలెత్తకుండా జాగ్రత్తపడవచ్చు. చెవులువినపడడం లేదని, ఇయర్ బడ్, స్టిక్ లేదా ఇతర వస్తువులను చెవులో తిప్పడం వల్ల చెవులు మరింత డ్యామేజ్ అవుతాయి. స్నానం చేసినా కూడా చెవుల్లో తేమను కాటన్ క్లాత్ తో మాత్రమే తుడుచుకోవాలి.
