మన శరీరంలో ఒక్కో అవయవానికి ఒక్కోరకమైన పోషకాహారం అవసరం అవుతుంది. అలాగే కంటికి కూడా ప్రత్యేక పోషకాలు కావాలి. మారిపోతున్న జీవనశైలి కారణంగా ఇప్పుడు చాలా చిన్న వయసులోనే కంటి సమస్యలు వస్తున్నాయి. అనారోగ్యాలు పాలయ్యాక చికిత్స తీసుకునే కంటే ముందుగానే వాటి ఆరోగ్యాన్ని కాపాడుకోవాలి. మరి కళ్ల ఆరోగ్యానికి అవసరమైన మంచి ఆహారం …?
మన ముఖానికి అందాన్ని ఇచ్చేవి కళ్ళు. అటువంటి కళ్ళను మనం జాగ్రత్తగా కాపాడుకోవాలి.శరీరంలో అతి సున్నితమైన భాగం కళ్ళు . కళ్ళు ఆరోగ్యంగా ఉండాలంటే మంచి ఆహారం తీసుకోవాలి. కళ్ళ ఆరోగ్యాన్ని మెరుగుపరిచే సరైన విటమిన్, మినిరల్ ఉన్న ఆహారం తీసుకోవడం చాలా అవసరం. ఈ విషయంలో కాప్సికమ్ సాయం చేస్తుంది. ఇవి కళ్ళలోని రక్తనాళాలకు మంచిది. కంటిలో శుక్లం పొర ఏర్పడకుండా రక్షణ అందిస్తుంది. పొద్దుతిరుగుడు విత్తనాల గింజలు కూడా కంటిని సంరక్షించే అహారాల్లో ఒకటిగా చెప్పుకోవాలి.
విటమిన్ E పుష్కలంగా ఉండే పొద్దుతిరుగుడు గింజలు వయసును తగ్గించే మాక్యులర్ డిజనరేషన్ ను సరైన స్థాయిలో పొందడానకి సాయం చేస్తుంది. ఇది క్యాటరాక్ట్ ను నివారించడంలో కూడా సాయం చేస్తుంది. ముదురు రంగులో ఉండే ఆకుకూరలు తినేవారు కంటి ఆరోగ్యం గురించి, ఇబ్బంది పడాల్సిన పనే ఉండదు. బచ్చలి కూర, కాలే లాంటి వాటిలో విటమిన్ C మరియు E సమృద్ధిగా ఉంటాయి. ఇవి కెరొటినాయిడ్స్ ల్యూటిన్ లాంటిన్ కలిగి ఉంటాయి. కంటికి ఎదురయ్యే అనేక రకాల దీర్ఘవ్యాధులను నియంత్రించే శక్తి వీటికి అధికంగా ఉంటుంది. ఆకుకూరలు అధికంగా తీసుకునే వారికి కంటికి సంబంధించిన వ్యాధులు రావడానికి ఆస్కారం చాలా తక్కువ.
కంటి ఆరోగ్యానికి సాల్మన్ చేపల్లాంటి మాంసాహారం కూడా కంటికి కావలసిన పోషణ అందిస్తాయి. రెటీనాకు కావలసిన ఒమేగా-త్రీ ఫ్యాటీ యాసిడ్స్ సాల్మన్, ట్యూనా మరియు ట్రౌట్ చేపలతో పాటు కొన్ని రకాల సముద్రపు ఆహారంలో అధికంగా ఉంటాయి. ఇందులో కొవ్వు ఆమ్లాలు తక్కువగా ఉండడం వల్ల కళ్ళు పొడిబారడానికి కూడా ఆస్కారం తక్కువగా ఉంటుంది. ఫలితంగా కంటికి సంబంధించిన చాలా సమస్యల నుంచి సత్వర పరిష్కారాన్ని పొందడానికి ఆస్కారం ఉంటుంది.
కాలేయం నుంచి రెటీనాకు విటమిన్ A ను అందించడంలో జింక్ కీలక పాత్ర పోషిస్తుంది. లీన్ మరియు కోడి మాంసలో అది ఎక్కువ ఉంటుంది. అన్ని రకాల మాంసాహారాల్లోనూ ఇది అధికంగా ఉండడంతో పాటు, మెలనిన్ పెంచడంలోనూ ఇది సాయం చేస్తుంది. ఫలితంగా కళ్ళకు ఎలాంటి సమస్యలూ రావు. దీర్ఘకాలంలో కంటికి ఇవి మంచి రక్షణను అందిస్తాయి. కోడు గుడ్డు ద్వారా కూడా జింక్ అధికంగా లభిస్తుంది. రెటీనాను దెబ్బతీసే హానికరమైన నీలి కాంతి నుంచి కంటిని కాపాడతాయి. దృష్టిని నియంత్రించే కంటి కేంద్రా భాగానికి కూడా గుడ్లు తినడం ద్వారా రక్షణ లభిస్తుంది.
తీపి బంగాళదుంపల్లో విటమిన్ E ఉంటుంది. బీన్స్ తరహా ఆహారాల్లో అధిక ఫైబర్ ఉంటుంది. బఠానీలతో పాటు కొన్ని రకాల కాయ ధాన్యాలలో ఇది అధికంగా లభిస్తుంది. వీటిని అధికంగా తీసుకుంటూ ఉండడం ద్వారా మనకు తెలియకుండా, ప్రత్యేకమైన శ్రద్ధ తీసుకోకుండానే కళ్ళకు పోషణ లభిస్తుంది. బ్రోకలీ మరియు బ్రస్సెల్స్ మొలకల్లోనూ కంటికి పోషణ అందించే విటమిన్లు ఎక్కువగా ఉంటాయి. ముఖ్యంగా రెటీనా మీద ఇవి సానుకూల ప్రభావాన్ని చూపి, కంటికి సంబంధించిన ఇబ్బందులను తగ్గిస్తాయి.
చిలగడ దుంపల్లోనూ కంటి ఆరోగ్యానికి అవసరమైన పోషకాలు అధికంగా ఉంటాయి. నారింజ రంగులో ఉండే పండ్లు, కూరగాయలు, దుంపలు, క్యారెట్లు, కాంటాలోప్, మామిడి, ఆప్రికాట్స్ వంటి పండ్లలో బీటా కెరోటిన్ తో పాటు విటమిన్ A అధికంగా ఉండడం వల్ల ఇవి రేచీకటి లాంటి సమస్యల నుంచి కంటిని కాపాడడంలో సాయం చేస్తాయి.మాంసాహారం కావచ్చు, శాకాహారం కావచ్చు, కంటి ఆరోగ్యం కోసం ఏది తీసుకుంటున్నామనే విషయం కంటే కూడా, సరైన స్థాయిలో తీసుకుంటున్నామా అనేదే అవసరం. మన పోషణకు తగ్గ స్థాయిలో ఈ ఆహారాన్ని తీసుకుంటూ ఉండడం ద్వారా భవిష్యత్ లో కంటికి ఏ విధమైన సమస్యలూ రాకుండా జాగ్రత్తగా కాపాడుకోవడానికి ఆస్కారం ఉంటుంది.
జీవితమంతా మనకు దారి చూపించేవి కళ్లు. ఈ ఆధునిక యుగంలో కంటికి శ్రమ మరింతగా పెరిగింది. టెక్నాలజీ పెరిగిపోయిన కొద్దీ కళ్లని మనం మరింత శ్రమకి గురిచేస్తున్నాం. వీటన్నింటినీ తట్టుకుంటూ, వయసు పెరుగుతున్నా మన కళ్ల ఆరోగ్యంగా ఉండాలంటే .. ప్రత్యేక ఆహారాన్నితీసుకోవాల్సిందే…. కాబట్టి మీరు కూడా కంటి ఆరోగ్యం కోసం సమతుల ఆహారాన్ని తీసుకోండి.. మీ కళ్ళను ఆరోగ్యంగా ఉంచుకోండి.
