పొద్దున్నే నిద్ర లేవగానే టీ త్రాగనిదే చాలా మందికి రోజుమెుదలౌవదు. మనిషి జీవితంలో టీ పాత్ర చాలా అమోఘమైంది. కాస్త తలనొప్పిగా ఉన్నా, ఉల్లాసంగా ఉన్నా టీ త్రాగడం జీవితంలో ఓ అంతర్భాగమైపోయింది. టీల‌ను సేవించ‌డం ఆరోగ్యానికి హానిక‌ర‌మ‌ని చాలా మంది భావిస్తుంటారు. కానీ హెర్బల్ టీ తో ఆరోగ్యానికి ఎంతో మేలు చేకూరుతుంది.
మనలో చాలా మంది ప్రతినిత్యం టీ తాగనిదే రోజుగడవదు అంటే అతిశయోక్తి కాదు. ఎవరి అభిరుచికి తగ్గట్టుగా వారు టీ తాగేందుకు మొగ్గు చూపుతున్నారు. సహజంగా టీ నరాల ఉత్ప్రేరకంగా పని చేస్తుంది. మనం తాగిన వెంటనే మనకి ఓ శక్తివంతమైన భావనను కలిగిస్తుంది. అయితే అధికంగా టీ తాగడం వల్ల అనేక దుష్పరిణామాలు ఉంటాయని, టీకంటే హెర్బల్ టీని, తగినంత మోతాదులో తీసుకోవడం ద్వారా అనారోగ్యాల బారి నుంచి మనల్ని మనం కాపాడుకోవచ్చని వైద్యులు చెబుతున్నారు. పలు పరిశోధనలు సైతం ఈ విషయాన్ని రుజువు చేస్తున్నాయి.
హెర్బల్ టీ మన ఆరోగ్యాన్ని మెరుగుపరచడానికి, మూసుకుపోయిన రక్తనాళాలను వ్యాకోచం చెందేలా చేయడానికి ఎంతగానో ఉపయోగపడుతుంది.తేనెతో చేసిన హెర్బల్ టీ గొంతే ఇన్ఫెక్షన్లకు మంచి పరిష్కారాన్ని ఇస్తుంది. అలాగే ఇందు లో ఉండే యాంటీ ఆక్సిడెంట్లు రోగనిరోధక వ్యవస్థ పనితీరుని మెరుగుపరుస్తాయి. ఇలా నిత్యం మనం టీకి బదులు హెర్బల్ టీ ని తీసుకోవడం వల్ల మన ఆరోగ్యాన్ని మరింత మెరుగు పరుచుకోవచ్చు.
అలసటగా ఉన్నప్పుడు మనలో చాలామంది టీ తాగాలనుకుంటాం. అయితే సాధారణ టీకి బదులుగా హెర్బల్ టీ తాగితే రిలాక్సేషన్ తో పాటు మన ఆరోగ్యాన్ని కాపాడుకోవచ్చు. హెర్బల్ టీలో రకరకాల వనమూలికలు ఉంటాయి. ఇది రుచికరమే కాక అనేక రకాల ఔషదాలు ఇందులో మెండుగా ఉంటాయి. హెర్బల్ టీ తాగడం వల్ల శారీరక మానసిక ఆరోగ్యాన్ని కాపాడుకోవచ్చు. దాల్చిన చెక్కటీ ఘాటైన సువాసన కలిగి చాలా పవర్ పుల్ గా ఉంటుంది. ఈ హెర్బల్ టీని తరచుగా తీసుకోవడం వల్ల మేధాశక్తిని, ఆలోచనా శక్తిని పెంచుతుంది. దాల్చిన చెక్కలో యంటీ బ్యాక్టీరియల్, యాంటీ వైరల్, యాంటీ ఫంగల్ వంటి గుణాలు ఫుష్కలంగా ఉంటాయి. అలాగే వ్యాధినిరోధకతను పెంచడానికి ఇది ఎంతగానో సహయపడుతుంది.
అల్లం టీ వికారం తగ్గించడంలో మరియు ఆకలి పెంచడంలో ఉపయోగపడుతుంది. అలాగే మార్నింగ్ సికి నెస్ తగ్గించడానికి కూడా బాగా పనిచేస్తుంది. దగ్గు, జలుబు వంటి సమస్యలకు అల్లం టీ పవర్ ఫుల్ మెడిసిన్ లా పనిచేస్తుంది. పుదినా టీ హెర్బల్ టీలలో పుదినా టీ చాలా రుచిగా ఉంటుంది. ఈ హెర్బల్ టీ నొప్పి, వాపు, గ్యాస్ వంటి సమస్యల నుంచి ఉపశమనం కలిగిస్తుంది. జలుబు, శ్వాసనాళాల వాపు వంటి సమసస్యలకు మెడిసిన్ లా పనిచేస్తుంది.
హెర్బల్ టీ వల్ల మరెన్నో ప్రయోజనాలున్నాయి. డీహైడ్రేషన్ రాకుండా కాపాడుతుంది. గ్లూకోజ్ ను విడుదల చేయడం వలన శక్తిని ఇస్తుంది. రక్తం గడ్డ కట్టకుండా కాపాడుతుంది.చెడు కొలెస్త్రాల్ పరిమితిని తగ్గిస్తుంది. హెర్బల్ టీలో రకరకాల నాణ్యతలున్నాయి. మీరు విసిగి మరియు అలిసిపోయినప్పుడు ఒక కప్పు మూలికా టీని తాగవచ్చు. కొన్ని మూలికలలో మన శరీరానికి మంచిచేసే అనే అనేక ఔషదగుణాలు ఉంటాయి. హెర్బల్ టీలు నిద్రలేమి, అజీర్ణం సమస్యలను నివారిస్తుంది. టీ పదే పదే తాగాలనిపించే సున్నిత వ్యసనాన్ని కలిగించే కెఫిన్ ఈరకం తేనీళ్లలో తక్కువగా ఉంటుంది.
హెర్బల్ టీ సేవనం క్యాన్సర్ రాకుండా కాపాడుతుంది. ఇందులో పాలిఫినాల్స్ ఉన్నందున స్త్రీలలో రొమ్ము క్యాన్సర్ వచ్చే అవకాశం తగ్గుతుంది, సర్వైకల్ కాన్సర్ ప్రమాదము తగ్గుతుంది. ఊపిరితిత్తుల క్యాన్సర్ కూడా దూరమవుతుంది. జీర్ణనాళంలోని పలు భాగాలకు వచ్చే క్యాన్సర్లకు ఇది విరుగుడుగా పనిచేస్తుంది. హెర్బల్ టీలో అధికంగా ఉండే పలురకాల ఔషధ గుణాలు, మన శరీరాన్ని ఉత్తేజపరచి, మనల్ని మరింత ఉత్సాహంగా ఉంచేందుకు సాయం చేస్తాయి. సాధారణ టీలతో పోలిస్తే హెర్బల్ టీ వల్ల ఆరోగ్యాన్ని మెరుగైన ప్రయోజనాలు ఉన్నాయి.
చాలా పరిశోధనల్లో హెర్బల్ టీ తాగడం వల్ల శరీరానికి మంచి బెనిఫిట్స్‌ ఉన్నాయని చెబుతున్నారు. అలాగే హెర్బల్ టీ బరువు తగ్గించడంలో బాగా సహాయపడు తుందని తేల్చారు. అంతే కాదు ఆరోగ్యంగా కూడా ఉంటారు. కాబట్టి సాదారణ టీ కి బదులు హెర్బల్ టీ సేవిద్దాం మన ఆరోగ్యాన్ని కాపాడుకుంద్దాం..
