ఆయుష్షును పెంచుకోవాలని ఎవరు మాత్రం కోరుకోరు చెప్పండి. అయితే ప్రస్తుత బిజీ ప్రపంచంలో మారుతున్న జీవన విధానాల కారణంగా ఆరోగ్యంతో పాటు జీవిత కాలం కూడా తగ్గిపోతోంది. రోజురోజుకూ మారుతున్న ఆహారపు అలవాట్లు, జీవనశైలి కారణంగా అనేకరకాల రోగాలు చుట్టుముడుతున్నాయి. అయితే వీటన్నింటికి ఒక్కటే సరైన పరిష్కారం అంటున్నారు వైద్యనిపుణులు.
మన వయసు ఏడాదికేడాదికి పెరుగుతుంటే, ఆయుష్షు తగ్గిపోతూ ఉంటుంది. వయసుతో పాటు భౌతికంగా వచ్చే మార్పులను నియంత్రించడం కష్టమేమో గానీ, కొన్ని ఆరోగ్యకరమైన అలవాట్లను అలవరుకోవడం వల్ల మన ఆయుష్షును పెంచుకోవచ్చు . ఇందుకు మన జీవన విధానంలో కొన్ని మార్పులు చేసుకోవడం ద్వారా మన జీవిత కాలాన్ని మరింత పెంచుకోవచ్చు. చిన్న పాటి జాగ్రత్తల ద్వారా మనసుకు వయసు పెరగకుండా చూసుకోవచ్చు. తద్వారా ఆయుష్షును పెంచుకోవచ్చు. మనం తీసుకోనే ఆహారంలో ఖచ్చితంగా కొన్ని ఆహార నియమాలను పాటించాలి.
మన ప్రతి జీవకణంలోనూ ప్రతిరోజూ జరిగే జీవక్రియల్లో కణానికి కొంత నష్టం జరుగుతుంది. దీన్ని సెల్ డ్యామేజ్ అని అభివర్ణిస్తారు. యాంటీఆక్సిడెంట్స్ ఉన్న ఆహారపదార్థాలను ఎక్కువగా తీసుకోవడం సెల్ డ్యామేజ్ తగ్గడమే కాకుండా, కణానికి తగిలే దెబ్బలను యాంటీఆక్సిడెంట్స్ రిపేర్ చేస్తాయి. రంగురంగుల కూరగాయలు మరియు పండ్లు వాటితో నిండి ఉంటాయి. బెర్రీస్ లో సిట్రస్ ఆమ్లం మరియు విటమిన్ సి పుష్కలంగా ఉంటుంది. అంతే కాకుండా యాంటీఆక్సిడెంట్స్ కూడా అధికంగా ఉండి సంపూర్ణ ఆరోగ్యాన్ని అందిస్తాయి.
చేపల్లో లభించే ఒమేగా -3 ఫ్యాటీ యాసిడ్స్ చర్మ ఆరోగ్యాన్ని పెంచుతాయి. అలాగే చర్మం ముడుతలుపడకుండా ఉంటుంది. చేపలను వారానికి ఒకటి లేదా రెండు సార్లు తినడం వల్ల మీకు చిత్తవైకల్యం వచ్చే అవకాశం తక్కువగా ఉంటుంది. సాల్మన్ మరియు ట్రౌట్ వంటి కొవ్వు చేపలలో లభించే ఒమేగా -3 కొవ్వులు చెడు కొలెస్ట్రాల్ మరియు ట్రైగ్లిజరైడ్లను తగ్గిస్తాయి. అంతే కాదు కొవ్వు నిక్షేపాలు మీ ధమనులను అడ్డుకున్నప్పుడు, అథెరోస్క్లెరోసిస్‌కు దారితీసే మంటను తగ్గించడానికి కూడా ఇది సహాయపడుతుంది.
బీన్స్ ను వారానికి మూడు లేదా నాలుగు సార్లు తప్పకుండా మీ డైట్ లో చేర్చుకోండి. ఎందుకంటే ఇందులో ఉండే ఫైబర్ జీర్ణక్రియకు చక్కగా సహాయపడుతుంది. ఇది ఊబకాయం, గుండె జబ్బులు మరియు మధుమేహం వచ్చే అవకాశాలను తగ్గించడంలో చక్కగా ఉపయోగపడుతుంది. అంతేకాదు ఫైబర్ అధికంగా ఉండే ఆహారం బరువు తగ్గడానికి సహాయపడుతుంది.
ఆలివ్ నూనెలో విటమిన్ E మరియు యాంటీ-ఆక్సిడెంట్లు అధికంగా ఉంటాయి. ఇవి మీ చర్మాన్ని తేమగా ఉంచుతూ, పునరుజ్జీవనాన్ని ప్రసాదించి, చర్మానికి కావలసిన పోషణను అందిస్తుంది. అంతేకాదు చర్మం మీద ఏప్పడే ముడుతలను తగ్గిస్తుంది. వృద్ధాప్య ఛాయలను కలుగజేసే కారకాలతో పోరాడుతుంది మరియు మచ్చలను – మొటిమలను తేలికగా తొలగిస్తుంది. ఆలివ్ ఆయిల్ చర్మానికి చైతన్యపరచి, మృదువుగా మార్చి, చర్మాన్ని మరింత కాంతివంతంగా చేస్తుంది.
తాజా కూరగాయల్లో ఫైబర్, యాంటీఆక్సిడెంట్లు మరియు విటమిన్లు మరియు ఖనిజాలు ఉన్నాయి. ఇవి మిమ్మల్ని దీర్ఘకాలిక వ్యాధుల నుండి రక్షించడంలో సహాయపడతాయి. ముదురు ఆకుకూరలు బలమైన ఎముకలకు విటమిన్ కె కలిగి ఉంటాయి. చిలగడదుంపలు మరియు క్యారెట్లలో విటమిన్ ఎ ఉంటుంది. ఇది కళ్ళు మరియు చర్మాన్ని ఆరోగ్యంగా ఉంచడంలో సహాయపడుతుంది. నట్స్ లో చాలా రకాలైన పోషకాలు ఉన్నాయి. బాదంపప్పులో విటమిన్ ఇ అధికంగా ఉంటుంది. ఇది మహిళల్లో స్ట్రోక్ ప్రమాదాన్ని తగ్గించడానికి సహాయపడుతుంది. వాల్‌నట్స్‌లోని అసంతృప్త కొవ్వులు ఎల్‌డిఎల్‌ను తగ్గించడానికి మరియు హెచ్‌డిఎల్ కొలెస్ట్రాల్‌ను పెంచడానికి సహాయపడతాయి.
పాల ద్వారా అందే ప్రయోజనాల్లో క్యాల్షియం చాలా ముఖ్యమైనది. అందుకే పాలు తాగడం చాలా అవసరం. క్రోనిక్ డిసీజ్ ల నుంచి కాపాడటానికి పాలలోని క్యాల్షియం సహాయపడుతుంది. ఎముక హీనత, క్యాన్సర్, తలనొప్పి, ఒబేసిటీ వంటి సమస్యలు దరిచేరకుండా ఉండటానికి పాలు అవసరం. సరైన మోతాదులో పాలు తీసుకోవడం, రెగ్యులర్ డైట్ లో పాలు చేర్చుకోవడం వల్ల అందం రెట్టింపవుతుంది. ఇందులో ఉండే ల్యాక్టిక్ యాసిడ్ చర్మాన్ని స్మూత్ గా మార్చుతుంది. ఎమినో యాసిడ్స్ చర్మానికి మాయిశ్చరైజర్ లా పనిచేస్తాయి.
తృణధాన్యాలను ఆహారంలో చేర్చుకోవడం వల్ల కొన్ని రకాల క్యాన్సర్, టైప్ 2 డయాబెటిస్ మరియు గుండె జబ్బులు వచ్చే అవకాశాలు తగ్గుతాయి. మలబద్ధకం మరియు డైవర్టికులర్ వ్యాధి వంటి జీర్ణ సమస్యలను నివారించడానికి ఇందులో ఉండే ఫైబర్ సహాయపడుతుంది. వయసు పెరిగే కొలదీ గుండే విషయంలో మరిన్ని జాగ్రత్తలు అవసరం. ఒత్తిడి పెరగకుండా చూసుకోవాలి. ఆరోగ్యకరమైన సరైనా బరువు ఉండడంకూడా చాలా అవసరం.
