King 100 Glimpse: అక్కినేని నాగార్జున పుట్టినరోజు సందర్భంగా ఆయన అభిమానులకు అదిరిపోయే సర్ప్రైజ్ అందింది. నాగార్జున కెరీర్లో ప్రతిష్టాత్మకంగా తెరకెక్కుతున్న 100వ చిత్రం ‘కింగ్ 100’ నుంచి చిత్రబృందం గ్లింప్స్తో పాటు ఫస్ట్ లుక్ను విడుదల చేసింది. తాజాగా విడుదలైన ఈ గ్లింప్స్ సినిమాపై అంచనాలను మరింత పెంచుతోంది. ఈ చిత్రాన్ని తమిళ దర్శకుడు రా కార్తీక్ తెరకెక్కిస్తున్నారు. కాగా, సినిమా డిసెంబర్ 24న ప్రేక్షకుల ముందుకు రానుంది.
నాగార్జున వాయిస్ ఓవర్తో ఆసక్తికరంగా..
‘కింగ్ 100’ గ్లింప్స్ నాగార్జున వాయిస్ ఓవర్తో ప్రారంభమవుతుంది. ఇందులో ఆయన చెప్పిన డైలాగ్స్ పాత్ర స్వభావాన్ని, కథ నేపథ్యాన్ని ఆసక్తికరంగా పరిచయం చేస్తున్నాయి.
‘‘మనుషుల్లో రెండు రకాలు. ఒకరు డబ్బున్నోళ్లు, ఇంకొకరు లేనివాళ్లు. డబ్బు లేనప్పుడు నన్ను అందరూ లూజర్లా చూశారు. డబ్బు ఉన్నప్పుడు ‘దే కాల్ మీ ది కింగ్’. దిస్ ఐడెంటిటీ ఈజ్ మోర్ పవర్ఫుల్ దెన్ మనీ. ఆ ఐడెంటిటీని నిలబెట్టుకోవడం కోసం నేను పరిగెడుతూనే ఉండాలి’’ అంటూ నాగార్జున చెప్పే డైలాగ్ సినిమాపై ఆసక్తిని పెంచుతోంది.
పేదరికం నుంచి ‘కింగ్’గా..
గ్లింప్స్లో కనిపించిన విజువల్స్ను పరిశీలిస్తే.. నాగార్జున పాత్ర పేదరికం నుంచి సంపన్నుడిగా ఎదిగే ప్రయాణం చుట్టూ కథ సాగనున్నట్లు తెలుస్తోంది. డబ్బు లేని సమయంలో ఎదుర్కొన్న అవమానాలు, ఆ తర్వాత సంపదను సంపాదించి సమాజంలో తనకంటూ ఓ ప్రత్యేక గుర్తింపును ఏర్పరచుకోవడం.. ఆ గుర్తింపును కాపాడుకోవడానికి ఆయన చేసే పోరాటం సినిమాలో కీలకంగా ఉండనున్నట్లు గ్లింప్స్ ద్వారా అర్థమవుతోంది.
అయితే నాగార్జున పాత్ర అసలు ఎలా ఎదిగింది? సంపదను సంపాదించడానికి ఏం చేశాడు? ఈ ప్రయాణంలో అతను ఎలాంటి సవాళ్లను ఎదుర్కొన్నాడు? అనే ప్రశ్నలకు సమాధానాలు సినిమాలోనే తెలియనున్నాయి.
చిన్నారితో నాగార్జున.. అసలు సంబంధం ఏంటి?
ఇక గ్లింప్స్ చివర్లో నాగార్జున ఓ చిన్నారిని ఎత్తుకుని కనిపించడం మరింత ఆసక్తిని రేకెత్తిస్తోంది. ఆ చిన్నారి ఎవరు? నాగార్జున పాత్రతో ఆమెకు ఉన్న సంబంధం ఏంటి? ఆమె పాత్ర కథలో కీలకంగా ఉండబోతుందా? అనే ప్రశ్నలు అభిమానుల్లో మొదలయ్యాయి.
గ్లింప్స్లోని ఈ సన్నివేశం కథలోని మరో ముఖ్యమైన కోణాన్ని సూచిస్తుందా? లేదా నాగార్జున పాత్రలోని భావోద్వేగ కోణాన్ని పరిచయం చేయడానికే ఈ సన్నివేశాన్ని ఉపయోగించారా? అనేది తెలియాలంటే సినిమా విడుదల వరకు వేచి చూడాల్సిందే.
మొత్తంగా నాగార్జున పుట్టినరోజు సందర్భంగా విడుదలైన ‘కింగ్ 100’ గ్లింప్స్ అభిమానులను ఆకట్టుకోవడంతో పాటు సినిమాపై అంచనాలను మరింత పెంచింది. నాగార్జునను సరికొత్త కోణంలో చూపించబోతున్న ఈ చిత్రం డిసెంబర్ 24న థియేటర్లలో ఎలాంటి సందడి చేస్తుందో చూడాలి.
