ప్రస్తుత కాలంలో చాలా మంది ఎల్లప్పుడూ ఏదో ఒక శారీరక నొప్పితో బాధపడుతూనే ఉంటున్నారు. ప్రత్యేకించి వీరికి 30ఏళ్ళు వచ్చాయంటే ఇక అవి క్రమం తప్పకుండా వస్తూనే వుంటాయి. పోషకాహారం తీసుకోవడం వల్ల దీర్ఘకాలిక నొప్పులను తగ్గించడంతో పాటు, అలాగే ఇప్పటికే ఎదుర్కొటున్న నొప్పులను కూడా తగ్గిస్తుంది. పెయిన్స్ ను తగ్గించడానికి అనేక ఆహారాలు అద్బుతంగా సహాయపడినట్లు నిరూపించబడ్డాయి.
నొప్పులను తగ్గించే ఆహారాల్లో ప్రధానంగా చెప్పుకోవలసింది అల్లం. అల్లంను ప్రతి రోజూ డైట్ లో చేర్చుకోవడం వల్ల కీళ్ళ వాపులను తగ్గిస్తుంది. పచ్చి అల్లంలో ఉండే జింజరోల్స్ వల్ల ఇలా నొప్పినివారిస్తుంది. అల్లం తీసుకోవడం వల్ల అధికంగా కీళ్ళకు సంబంధించిన సమస్యల నుంచి ఉపశమనం పొందవచ్చు. అల్లం తర్వాత చెప్పుకోవలసింది బ్లూ బెర్రీస్ గురించే. ఇవి అనామ్లజనకాలే కాకుండా అధిక పోషకాలను కలిగి ఉంటాయి. ఇవి నొప్పిని తగ్గించడానికి సహాయం చేస్తాయి. వీటితో పాటు స్ట్రాబెర్రీలు, నారింజలు లాంటి ఇతర పండ్లు కూడా ఇదే తరహా లక్షణాన్ని కలిగి ఉంటాయి.
మెగ్నీషియం అధికంగా ఉండే గుమ్మడి కాయ గింజలు నొప్పి నివారణలో అద్భుతమైన పాత్ర పోషిస్తుంది. మైగ్రేన్ల సంఖ్యను తగ్గించేందుకు సహాయపడే ఈ ఖనిజం, అనేక విధాలా ప్రయోజనాలు అందిస్తుంది. మరింత ఉపశమనం కోసం గుమ్మడి గింజలతో పాటు, బాదం, జీడిపప్పు, ముదురు ఆకుపచ్చ రంగులో ఉండే కూరలు, బీన్స్ మరియు పప్పులను ఆహారంతో పాటు తీసుకోవాలి.
సీ ఫుడ్స్ ముఖ్యంగా చేపలు, వీటిలో ఒమేగా 3 ఫ్యాటీ యాసిడ్స్ నొప్పినివారిణి మరియు యాంటీఇన్ఫ్లమేటరీ లక్షణాలు ఎక్కువగా ఉంటాయి. ఒమేగా 3, శరీరంలో నొప్పి నివారించడానికి ఉపయోగపడే రక్తప్రవాహాన్ని పెంచుతుంది. మరియు చేపనూనె కార్డియో వ్యాస్కులర్ వ్యాధులకు మంచిదిగా భావిస్తారు. దీర్ఘకాలిక నొప్పులను నివారించడానికి మీ ఆహారంలో చేపలు లేదా చేప నూనె మాత్రలు తీసుకోవడం వల్ల దీర్ఘకాలిక నొప్పులు ఏ రకంవైనా తగ్గించడానికి ఉపయోగపడతాయి.
పసుపు నొప్పి మరియు వాపు తగ్గించే ఒక ఉత్తమ నివారిణి. కీళ్ళ నొప్పులు ఆర్థరైటిస్ కు కారణం అవుతుంది. కాబట్టి మీ రెగ్యులర్ డైట్ లో పసుపును ఉపయోగించడం వల్ల ఆరోగ్యానికి మాత్రమే కాదు కీళ్ళ నొప్పులకు కూడా ఉపశమనం కలిగిస్తుంది. గ్రీన్ టీ సాధారణంగా బరువు తగ్గించడం కోసం ఉపయోగిస్తారు, కానీ అది కూడా వాపులను తగ్గించడంలో సహాయపడే శోథ నిరోధక గుణాలను కలిగి ఉంది .
గ్రీన్ టీ రోజువారీ ఒక కప్పు తీసుకోవడం వల్ల ఎక్కువ ప్రయోజనాలు పొందవచ్చు. ఆలివ్ ఆయిల్ చాలా ఉపయోగకరం. ఇది నొప్పులను మరియు వాపులను నివారించడంలో అద్భుతంగా సహాయపడుతుంది. వంటకు ఆలివ్ ఆయిల్ ను ఉపయోగించడం చాలా ఉపయోగకరం మరియు ఆరోగ్యకరం కూడా.
ఎర్రగా మరీ చిన్నగా ఉండే చెర్రీ పండ్లలో యాంటీఆక్సిడెంట్స్ మరియు యాంటీఇన్ఫ్లమేటరీ లక్షణాలు పుష్కలంగా ఉన్నాయి. ఇవి ఆర్థరైటిస్ నొప్పులను నివారించడంలో అద్భుతంగా సహాయపడుతాయి. వీటిని ఆహారంలో భాగం చేసుకుంటే నొప్పులను నివారించుకోవచ్చు. మిరపకాయలు, మిరియాలు సైతం నొప్పి నివారణలో బాగా సాయం చేస్తాయి. వీటిని తీసుకోవడం ద్వారా జాయింట్లలో నొప్పిని తగ్గించుకోవచ్చు. కొన్ని సమయాల్లో చర్మం మీద కలిగే మంటలను కూడా తగ్గించుకోవచ్చు.
మింట్ సైతం బాధకరమైన తిమ్మిరి, గ్యాస్, ఉబ్బరం లాంటి వాటి నుంచి ఉపశమనం కలిగిస్తుంది. పేగు సిండ్రోమ్ లక్షణాలను కలిగి ఉండే ఇది నొప్పులకు మంచిదే. ఇలా నొప్పులను తగ్గించే ఆహారాలు ఎన్నో ఉన్నప్పటికీ, అవన్నీ పూర్తిగా ఉపశమనాన్ని అందించలేవు. సమస్య తీవ్రంగా ఉన్నప్పుడు వైద్యుని సంప్రదించి తగిన చికిత్స తీసుకోవాలి.
