ప్రతి రోజూ ఆహారం తీసుకోవడం ఎంత ముఖ్యమో, వ్యాయామం చేయడం కూడా అంతే ముఖ్యం. అలా అని ఇష్టం వచ్చినట్లు వ్యాయామం చేసినా ఇబ్బందే. ఎందుకంటే దేనిలోనూ అతి పనికిరాదు. కొన్ని వ్యాయామాలు ఆరోగ్యకరమైన శారీరక ధారుఢ్యం కోసమైతే, మరిన్ని వ్యాయామాలు మానసిక ఆరోగ్యం కోసం ఉపయోగపడతాయి. కొన్ని వ్యాయామాలు కేవలం ఏడు నిముషాలు చేయడం ద్వారా మనం ఫిట్ గా ఉండవచ్చు.
ఫిట్ నెస్ మీద మనిషికి ధ్యాస పెరిగినకొద్దీ వ్యాయామాల్లో కొత్త కొత్త ట్రెండ్స్ ప్రచారంలోకి వస్తున్నాయి. నిపుణులు ఎప్పటికప్పుడు కొత్త వ్యాయామాలు కనిపెట్టడం లేదు. ఉన్నవాటికే పేర్లు మార్చి, స్టైల్ మార్చి క్రేజ్ సృష్టిస్తున్నారు. అలాంటిదే హై ఇంటెన్సిటీ ఇంటర్వెల్ ట్రైనింగ్. చిన్నప్పుడు అందరూ చేసిన ఎక్సర్సైజ్లకే మోడ్రన్ టచ్ ఇచ్చారు. కేవలం ఏడు నిమిషాల్లో చేయతగిన వ్యాయామమిది. ఇందులో పన్నెండు రకాల తేలికపాటి వ్యాయామాలుంటాయి. ఒక్కో దానికి సుమారు ముప్పయి సెకన్లు పడుతుంది. ఒక్కో వ్యాయామం మధ్య కనీసం పది సెకన్ల విరామం ఉంటుంది. ఈ పన్నెండు ఎక్సర్సైజ్లు చేయడానికి ఏడు నిమిషాలు సరిపోతుంది. అవసరాన్ని బట్టి వీటన్నింటినీ రెండు మూడు సార్లు రిపీట్ చేయవచ్చు. సాధారణ పద్ధతుల్లో ఎనిమిది వారాల వ్యాయామంతో కనిపించే ఫలితం కన్నా “హిట్’ విధానంతో రెండు వారాల్లోనే ఫిట్ నెస్ వస్తుందట.
- ఈ వ్యాయామాలు చేయాలనుకునే వారు ముందుగా నిపుణులు, వైద్యుల సలహా తీసుకోవడం మంచిది. మొత్తం శరీరానికి వ్యాయామం నిలబడిన చోటే గెంతడం. చేతులు పైకెత్తడం, కాళ్లు ఎడంగా ఉంచడం… ఇలాంటివి సూర్య నమాస్కారాల్లో ఉంటాయి.
- అమ్మాయిలైతే తాడాటను కన్వర్ట్ చేసుకోవచ్చు. పొట్ట కింది భాగానికి వ్యాయామం. గోడ కుర్చీ వేయడం లాంటిది. వీపు భాగాన్ని గోడకు ఆన్చి మోకాళ్ల మీద బరువు మోపడం.
- శరీరంలోని పొట్ట పైభాగానికి వ్యాయామం. శరీరాన్ని నేలకు అభిముఖంగా ఉంచి… చేతుల మీద బాడీని కిందకీ పైకీ లేపడం. ఇది అందరికీ ప్రాక్టీసులో ఉన్న వ్యాయామమే. శరీరం మొత్తానికి ఉపయోగకరం వ్యాయమం ఏంటంటే.. వెల్లకిలా పడుకుని కడుపు భాగం కదిలేలా కాళ్లూ చేతులూ దగ్గరగా… దూరంగా చేయడం.ఎదురుగా కుర్చీ ఉంచుకుని కాళ్లను ఒకదాని తర్వాత ఒకటిగా దాని మీద ఉంచడం. మెట్ల మీద ఇలాంటి ఎక్సర్ సైజ్ కొంత అనువుగా ఉంటుందేమో..శరీరం మొత్తానికి లాభం.
- పొట్ట కింది భాగానికి మంచి ఎక్సర్సైజ్ ఏంటంటే…. కాళ్లు కొద్దిగా ఎడంగా ఉంచాలి. రెండు చేతులూ జోడించాలి. నడుం భాగాన్నికిందకీపైకీ కదల్చాలి. మోకాళ్ల మీద భారం పడుతుంది. నడుం కింది భాగానికి మంచి వ్యాయామం.
- కుర్చీ ముందు కూర్చుని రెండు చేతులూ దాని మీద వాల్చాలి. చేతుల మీదే శరీరం బరువు మోపుతు నడుం భాగాన్ని కిందకీపైకీ కదల్చాలి. కొంత కష్టమైనదైనా ఈ వ్యాయామంతో చేతులు దృఢంగా మారతాయి. ఛాతీ భాగానికి మంచి వ్యాయామం.
- ఈ వ్యాయమం శరీరం మొత్తానికి మంచిది. శరీరాన్ని ఏటవాలుగా ఉంచాలి. ఒకచేతి మీద భారం మోపుతూ భుజాలు, తల భాగాన్ని పైకి లేపాలి. శరీరాన్ని చేతి మీదే ఆన్చి మరో చేత్తో భుజం భాగాన్ని కదపాలి. ఒక చేతితో చేసిన తర్వాత రెండో చేత్తో చేయడం వల్ల చాతీ, భుజం భాగాలకు వ్యాయామం అవుతుంది.
- మోకాళ్ల మీద శరీరాన్ని వంచి ఒక కాలి తర్వాత మరో కాలు మార్చుతూ జంపింగ్ చేయడం. అభ్యాసం ద్వారా ఇది సులువుగా చేయడానికి వీలవుతుంది. ఒక కాలిని ముందుకు పెట్టి మోకాలి మీద వంగుతూ శరీర భారాన్ని ఆ కాలి మీదే ఆన్చాలి. ఇలా ఒక కాలు తర్వాత మరో కాలు మార్చుకుంటూ చేయవచ్చు. కాళ్ల కండరాలకు, పిక్కలకు, పాదాలకు మంచి ఎక్సర్ సైజ్ అవుతుంది.
- మూడో ఎక్సర్ సైజులో చెప్పినట్లు ఫుష్ అప్స్ లో ఇంకొంత కష్టతరమైన వ్యాయామమిది. పుష్ అప్స్ తో చేతులు, భుజాలకు వ్యాయామం జరుగుతుంది. రొటేషన్ లో ఛాతీ, పొట్ట కింది భాగానికి కూడా ఉపయోయకరంగా ఉంటుంది.
- ఎనిమిదో ఎక్సర్ సైజ్ మాదిరిగానే చేతులతో పాటు కాళ్లకు కూడా వ్యాయామం అయ్యేలా చూసుకోవాలి. చేతుల మీద శరీరాన్ని ఆన్చి ఉంచాలి కాబట్టి పట్టుకోల్పోకుండా చూసుకోవాలి. అలాగే రెండు పాదాలు ఒకదానిమీద ఒకటిగా భూమి మీదే ఆన్చి ఉంటాయి.
